• Castellano
• Euskera

• Datu orokorrak
• Antolatzailea
• Lotura interesgarriak

Zuhaitza jarri, bedeinkatu eta erre egiten da. Udal Agintariek Soka Dantza dantzatuko du.

Udaburuan gaude, udako solstizioan. Argia iluntasunari gailendu zaio. Luzeagoa da eguna gaua baino. Horrek bizitza hobearen itxaropena dakarkigu, eta plazan dagoen Lizarra horren ikurra da.
Gure herrian ohitura izan denez, esperantzaren arbolaren inguruan dantzatuko gara.

Agintarien Esku Dantza

Aurten ere, udal agintariek eta Goizaldi, Arkaitz, Eskola eta Gero Axular dantza taldeetako kide batzuk, Udalaren Txistulari Taldearen laguntzarekin, Agintarien Esku Dantza dantzatuko dute, zuhaitzaren inguruan.

Ondoren, zuhaitzari su emango zaio eta, tradizioa betez, nahi dutenek azal zati bat eskuratzeko abagunea izango dute. Ekitaldia bukatzeko, Udalaren Txistulari Taldearen eskutik, Erromeria bat izango da.

Egitaraua 2022:

Ekitaldia San Juan Zortzikoaren interpretazioarekin hasiko da. Ondoren, udalaren txistulari taldeak Esku Dantza joko Du eta soka osatuko da udal agintariek elkarri eskuak emango dizkiotelarik.
Aurreskua eta atzeskua sokan sartuko dira.

Txistulariek berriro joko dute San Juan Zortzikoa eta dantzariek, eskuetan zuzi piztuak dituztela. Plazan sartu eta arbolaren inguruan zirkulua osatuko dute. Udal ordezkariak ohiturazko hitzak esan ondoren dantzariak lizarrari hurbilduko dira eta sua emango diote.
Ekitaldia amaitzeko, txistulariak solteko dantza jotzen hasiko dira eta partaide guztiak kalejiran arituko dira.

Ekitaldiaren amaieran zuhaitzaren azala banatuko da, eta, ondoren. Erromeria izango da udaleko txistulari bandaren eskutik.

Parte-hartzaileak:

• Udal agintariak
• Udalaren txistulari taldea
• Goizaldi dantza taldeko aurreskua eta atzeskua
• Goizaldi, Arkaitz, Eskola, Gero Axular taldeetako dantzariak